Үндэсний анхдагч гэх тодотголтой Монголтаксчууд бидний өнгөрсөн 15 жилийн хугацаанд Монгол улсыг эдийн засгийн бүхий л салбар , секторуудад үйл ажиллагаа явуулдаг үндэсний болон гадаадын хөрөнгө оруулалттай компаниудтай хамтран ажиллахдаа хатуу хучилттай авто зам 133,6 км , 200 ортой хүүхдийн цэцэрлэг 110ш , 240 суудалтай ерөнхий боловсролын сургууль 120ш , 100 ортой эмнэлэг 52 ширхэгийг байгуулах төсөвтэй тэнцэх хэмжээний татварын орлогыг улс , орон нутгийн төсөвт төвлөрүүлж , улсынхаа хөгжилд хувь нэмрээ оруулсаныг үнэлж, мөн татвар төлөгчдөд татварын хууль тогтоомжийг сурталчлан таниулах , даган мөрдөхөд чиглэсэн 22 ном бүтээл туурвиж , татвар санхүүгийн боловсрол олгох сургалтандаа 55584 хүнийг хамруулж , 60 гаруй судалгаа шинжилгээ , нөлөөллийн ажлуудыг ажилтан бүрийн идэвхи оролцоонд тулгуурлан , сегмент бүрээр санаачлан хэрэгжүүлсэн бүтээлч хамт олон юм хэмээн ТАТВАРЫН МЭРГЭШСЭН ЗӨВЛӨХ НИЙГЭМЛЭГ-ээс “ ШИЛДЭГ ТАТВАРЫН МЭРГЭШСЭН ЗӨВЛӨХ БАЙГУУЛАГА ” –аар шалгаруулж хүндэт өргөмжлөл цом гардууллаа.
ШИЛДЭГ СУДЛААЧ ТАТВАРЫН МЭРГЭШСЭН ЗӨВЛӨХ - “ МОНГОЛТАКС ТМЗ” ХХК Татварын ахлах зөвлөх Б.Энхтунгалаг ( СРА, СРТА ) 2021 оны шилдэг судлаач татварын мэргэшсэн зөвлөх хэмээх хүндэт шагналыг гардан авлаа .
Б.Энхтунгалаг ( СРА, СРТА ) нь Татварын мэргэшсэн зөвлөх үйлчилгээг олон нийтэд таниулах , иргэдийн татвар төлөх хандлагыг нэмэгдүүлэх , олон улсын стандартад нийцсэн үйлчилгээ үзүүлэхийн тулд “ татварын мэргэшсэн зөвлөх үйлчилгээний дотоод хяналтын бодлого аргачлал “ , “ Олон нийтийн татвар төлөх хандлага , татварын зөвлөх үйлчилгээ “ судалгаа , “ Монгол улсын татварын статистикын эмхэтгэл “ , “ Санхүүгийн тайлан бэлтгэх арга зүй - 2“ , “ Тэмүүллийн гэр бүлийн санхүүгийн нууцаас “ комик ном зэрэг бүтээлүүдийн зохиогчийн багт ажилласан байна . Мөн 2021 оноос эхлэн хэрэгжүүлж Татварын мэргэшсэн зөвлөхүүдийн эрх анхлан сунгахад шаардлагатай судалгааны арга зүй олох сургалт болон “ Татварын ойлголт , хандлагыг тодорхойлох судалгаа” - ны ажлын хэсгийг удирдан ажилласныг цохон тэмдэглэж Татварын мэргэшсэн зөвлөхүүдийн нийгэмлэгээс “ ШИЛДЭГ СУДЛААЧ ТАТВАРЫН МЭРГЭШСЭН ЗӨВЛӨХ” шагналыг гардууллаа .
МОНГОЛ УЛСЫН ТАТВАРЫН МЭРГЭШСЭН ЗӨВЛӨХҮҮДИЙН НИЙГЭМЛЭГИЙН ХҮНДЭТ МЕДАЛ - “ МОНГОЛТАКС ТМЗ” ХХК гүйцэтгэх орчны захирал З.Оюунчимэг (МНБ , МТЗ , Эрхзүйч ) Хүндэт медалаар шагнууллаа .