Бид Мандах Их Сургуультай хамтран оюутнуудад практикт суралцах, мэргэжлийн ур чадвараа хөгжүүлэх боломж бүрдүүлж, өөрт хэрэгтэй туршлага хуримтлуулах нөхцөлийг ханган ажиллаж байна.
2025 оны 6 сард дадлага хийсэн оюутнуудын сэтгэгдэлээс...
Сайн байна уу? Намайг Б.Амин-Эрдэнэ гэдэг. Би Мандах их сургуульд суралцдаг.
Монголтакс ТМЗ дээр дадлага хийх болсон шалтгаан?
“Монголтакс ТМЗ” ХХК нь туршлагатай зөвлөх баг, мэргэшсэн орчин, өргөн хүрээтэй үйл ажиллагаатай тул дадлага хийхэд хамгийн тохиромжтой гэж сонголт хийсэн.
Практик дээр суурилсан ямар ур чадваруудыг сурсан бэ?
Тайлан шинжилгээ хийх, баримт бичиг боловсруулах, санхүүгийн программ ашиглах, харилцааны ур чадвар, цагийн менежмент зэрэг олон чадваруудыг эзэмшсэн.
Таны төсөөлж байснаас юугаараа өөр байсан бэ?
Эхэндээ зөвхөн ажиглагч маягаар сууна гэж бодож байсан гэтэл бодит ажлын оролцоо ихтэй, үр дүнтэй дадлага болохыг ойлгож өөрийгөө сорих боломжийг олгосон.
Зөвлөхүүд, хамт олны зүгээс ямар дэмжлэгтэй байсан бэ?
Найрсаг, тусч хамт олонтой асуусан бүхэнд тайлбар өгч дэмжсэн.
Дадлагын орчин, уур амьсгал ямар байсан бэ?
Нээлттэй, эрч хүчтэй, харилцан хүндэтгэсэн уур амьсгалтай, ажлын орчин цэвэр, зохион байгуулалт сайтай, ажлаа төвлөрч хийхэд таатай орчин бүрдүүлсэн.
Дараа жил ирэх оюутнуудад юу гэж зөвлөмөөр байна вэ?
“Монголтакс ТМЗ” ХХК бол өөрийгөө хөгжүүлэх, бодит ажлын туршлага хуримтлуулах маш сайн орчинтой ирээдүйд ажиллахад хэрэгтэй олон чадварыг эндээс олж авах болно.
Мандах Их Сургуулийн 4-р курсын оюутан М. Очирхүү
Монголтакс ТМЗ дээр дадлага хийх болсон шалтгаан?
Миний онолын мэдлэгийг практикт хэрэгжүүлж, мэргэжлийн ур чадвараа бодитоор хөгжүүлэх боломжтой учраас сонгосон.
Практик дээр суурилсан ямар ур чадваруудыг сурсан бэ?
Дадлага хийх хугацаанд би санхүү, татварын баримт бичигтэй зөв ажиллах, НӨАТ болон ААНОАТ-ын тайлангуудыг боловсруулах, Excel ашиглан тооцоолол хийх зэрэг мэргэжлийн ур чадваруудыг эзэмшсэн. Мөн etax.mta.mn системээр татварын тайлан илгээж сурсан бөгөөд татварын тухай хууль, холбогдох дүрэм журмуудыг судалж, бодит ажилд хэрэглэх туршлага хуримтлуулсан.
Таны төсөөлж байснаас юугаараа өөр байв?
Миний төсөөлж байснаас илүү бодит, нарийн хариуцлагатай байсан. Эхэндээ зөвхөн онолын мэдлэгээ бататгах хэмжээний энгийн ажил гэж төсөөлж байсан ч, практик дээр олон төрлийн татварын тайлан боловсруулах, хууль журамд тулгуурлан шийдвэр гаргах, харилцагчтай харилцах зэрэг мэргэжлийн түвшний бодит үүрэг даалгаварт оролцох боломж гарсан нь миний хувьд маш үнэ цэнтэй туршлага болсон. Мөн мэргэжилтнүүдийн ажилдаа хандах нарийн нягт, хариуцлагатай хандлага нь намайг илүү өсөж хөгжихөд урам өгсөн.
Зөвлөхүүд, хамт олны зүгээс ямар дэмжлэгтэй байсан бэ?
Зөвлөхүүд болон хамт олны зүгээс би маш дотно уур амьсгал, тусламж дэмжлэгийг мэдэрсэн. Тэд миний асуусан асуултад чин сэтгэлээсээ хариулж, тайлан боловсруулах, хууль журам ойлгоход бодит жишээтэйгээр тайлбар өгдөг байсан нь надад ойлгомжтой, үр дүнтэй байлаа. Мөн аливаа алдааг засахдаа шүүмжлэх бус зөвлөгөө өгөх байдлаар ханддаг нь суралцах урам зоригийг нэмэгдүүлж дадлагын үеэр надад итгэж, бодит үүрэг даалгавар хариуцуулснаар би өөртөө итгэлтэй болж, мэргэжлийн орчинд өсөж хөгжих бодит орчныг бүрдүүлж өгсөн.
Дадлагын орчин, уур амьсгал ямар байсан бэ?
Ажлын уур амьсгал нь төвлөрөл, хариуцлагатай байдлыг шаарддаг ч нэгэн зэрэг найрсаг, дэмжих хандлага давамгайлсан нь надад итгэлтэй, тайван ажиллах боломжтой. Мөн албан газрын соёл, багийн уялдаа сайтай байсан нь мэргэжлийн орчинд ажиллах ямар байдгийг мэдрэхэд чухал нөлөө үзүүлсэн.
Дараа жил дадлага хийх оюутнуудад юу гэж зөвлөмөөр байна вэ?
“Монголтакс ТМЗ” ХХК дээрх дадлагыг боломж гэж хараарай.
Мандах Их Сургуулийн 4-р курсын оюутан Г.Дөлгөөннаран
Монголтакс ТМЗ дээр дадлага хийх болсон шалтгаан?
“Монголтакс ТМЗ” ХХК нь Монголдоо томоохон туршлагатай, мэргэжлийн түвшинд үйл ажиллагаа явуулдаг байгууллага тул практик мэдлэгээ нэмэгдүүлэх, олон төрлийн бодит кейс дээр ажиллаж үзэх зорилгоор сонгосон.
Практик дээр суурилсан ямар ур чадваруудыг сурсан бэ?
Санхүүгийн тайлан уншиж, дүн шинжилгээ хийх, мэргэжлийн программ дээр ажиллах чадвар, харилцааны соёл, багт хамтарч ажиллах ур чадваруудыг сурсан.
Таны төсөөлж байснаас юугаараа өөр байв?
Эхэндээ тооцоолол ихтэй ажил байх гэж бодож байсан ч бодит нөхцөлд тулгардаг асуудлуудыг шийдвэрлэх, асуудалд ухаалгаар хандах чадвар шаардсан илүү сонирхолтой ажил байсныг ойлгосон.”
Зөвлөхүүд, хамт олны зүгээс ямар дэмжлэгтэй байсан бэ?
Зөвлөхүүд маш ойлгомжтой тайлбарлаж, аливаа асуултанд чин сэтгэлээсээ хариулж байсан. Хамт олон маань ч гэсэн хэрэгтэй үед байнга тусалж, зөвлөгөө өгсөнд их талархаж байгаа.
Дадлагын орчин, уур амьсгал ямар байсан бэ?
Маш тав тухтай, найрсаг уур амьсгалтай ажилтан бүр нээлттэй ханддаг нь таалагдсан.
Дараа жил ирэх оюутнуудад юу гэж зөвлөмөөр байна вэ?
Өөрийгөө идэвхтэй байлгаж, асуух зүйлээ заавал асуугаарай. Мөн мэргэжлийн программ болон стандартуудтай урьдчилан танилцаад ирвэл илүү амар байх болно гэж зөвлөе.
Мандах Их Сургуулийн 4-р курсын оюутан Б. Дамдиндорж
- Монголтакс ТМЗ дээр дадлага хийх болсон шалтгаан?
Багш нар зөвлөсөний үндсэн дээр дадлага хийхээр сонгосон.
- Практик дээр суурилсан ямар ур чадваруудыг сурсан бэ?
Анхан шатны баримттай танилцах болон ажиллах, санхүүгийн болон бусад тайлангуудыг гаргах арга, хоёр төрлийн бүртгэлийн програм дээр ажиллаж сурсан болно. Онолоос гадуур зүйлсд суралцсан.
- Зөвлөхүүд, хамт олны зүгээс ямар дэмжлэгтэй байсан бэ?
Зөвлөхүүд болон хамт олны зүгээс бүх талын дэмжлэгтэй байсан.
- Дадлагын орчин, уур амьсгал ямар байсан бэ?
Дадлагын орчин, уур амьсгал яг л гэр шиг сайхан орчинтой байсан
Дадлагажигч оюутнууд маань нээлттэй, бодит кейс дээр ажиллаж, туршлагатай зөвлөх багаас суралцан өөртөө итгэлтэй мэргэжилтэн болон өсөн хөгжиж байгаа нь бидний бахархал юм.
Бид хамтдаа оюутнуудаа төдийгүй салбарын хөгжилд хувь нэмэр оруулна
